الحوار الذى انتظرة الملاين حول العالم

الحرية اليوم وغدا ؟ فى مكتب القيادى العمالى

حمدى حسين :مدير مركز افاق اشتراكية

المحلة الكبرى

ماهو رئى حضرتك فى القيادات العمالية ومدى تأثيرهم الايجابى على العمال ؟

اولا : من هو القائد العمالى ؟
القائد العمالى الذى يقدر على التأثير على العمال يجب أن يكون الاكثر وعيا وادراكا بأحوال ومصالح العمال ومشاكلهم ولديه القدرة على طرح الحلول والمطالب ونقل الوعى لجماهيره ،،، القائد العمالى يتميز بحسن الخلق والقدوة الحسنة ، القائد العمالى لايتعالى على جماهيره ،، وان يكون دائم التواجد بينهم ، حتى وأن تم نفيه او اعتقاله .. فهناك العديد من الوسائل التى تبقى على اتصاله بالعمال واتصال العمال به ( ليس مجال شرحها الآن ) .. القائد العمالي هو الذي بمقدوره ان يقدر مزاج عمال مصنعه والمشاعر السائدة في صفوف العمال، ويقدر قوتهم على خوض المعارك الاحتجاجية .. القائد العمالى لديه القدرة على التفاوض من أجل المكاسب لجماهيره وليس لشخصه .. القائد العمالى يفضل القيادة الجماعية ولايستأثر بآراءه الا اذا كان العمال محتشدين حولها ... القائد العمالى هو من يبتعد عن الغرور ويتسم بالتواضع .. القائد العمالى لايتقوقع على نفسه خوفاً من النقل والتشريد والاعتقال ... القائد العمالى هو الذى يكافح من أجل عودة زملائه ويستطيع حشد العمال حول هذا المطلب ... القائد العمالى يفقد مصداقيته اذا جرى نحو المنصب او المادة ، او الوجاهة ... سواء جاءت المادة والوجاهة والمنصب من الادارة او النقابة او الحزب او جهه من جهات المجتمع المدنى او جهات أمنية !!!!!

ثانياً : حول رأيى فى القيادات الغير مرغوب فيها من العمال ؟
عليها ان ترجع لحضن العمال بعد ان تعمل بما هو مطروح فى اجابة السؤال الاول ... ساعتها فقط العمال حتنسى الاسية وتفتح زراعيها لتأخذهم فى حضنها ... اما ذلك أو سينساها العمال وبالتالى سينساها التاريخ وسيأتى البديل من وسط العمال ليفهم ويتعلم ويقود وينتصر
ثالثاً : حول العلاوة الاجتماعية ( وليس المنحة ) وهل هى تكفى لاحتياجاتنا فى ظل غلاء الاسعار ؟
طبعا هى لاتكفى ولاتسمن من جوع ... وهى ليست واية تسد الزير كما يقول البعض .. بل هى نقمة اتت بها السلطة لتزيد الاسعار اشتعالا فى ظل التواطئ الحكومي مع رجال الاعمال وعدم الرقابة على الاسواق ... ومطلبنا الاساسى ليس علاوة 30% أو 40%،،، بل مطلبنا ومطلب كل الجماهير الكادحة ( من عمال ومعاشات ) هو حد أدنى للاجور والمعاشات لايقل عن 1200 جنيه مصرى ويزيد بنسبة زيادة التضخم وان يكون حدها الاقصى بنسبة مئوية مع الحد الادنى

رابعاً : عن السؤال الخاص برئيس الجمهورية ومهامه وعلاقته بالجماهير ؟
المشكلة مش فى ان رئيس يروح ورئيس يأتى !!!! المشكلة فى نضام الحكم هذا النظام المنحاز لرجال الاعمال ولصندوق النقد الدولى وللامبريالية الامريكية وللصهيونية العالمية ٫٫٫ هذا النظام هو المطلوب تغييره ولن يتم تغييره فى رأي الا اذا توحدت صفوف اليسار ونهضت الطبقة العاملة المصرية تحت قيادة القادة الشرفاء من أصحاب الوعى والفكر ٫٫٫٫٫وقتها سنقول لبعضنا البعض كل سنة وانتم طيبين بمناسبة عيد العمال ٫٫٫ فعيدنا يوم ان يتحرر العمال

===============

فى النهاية اشكر الاستاذ حمدى حسين

على هذا القاء

الحرية اليوم وغدا؟ تعلن تضامنها مع كريم

كريم البحيرى من القيادات العمالية الشابة فى المحلة

وعشان بيدور على حق زمايلة فى الشركة

فؤاد حسان قرر فصلة

لماذا تم فصل كريم البحيرى

انتظرونا ولقاء خاص جدا مع المناضل العمالى حمدى حسين

انتظرو القاء المرتقب مع الاستاذ حمدى حسين

مدير مركز افاق اشتراكية بالمحلة الكبرى

والذى كان لة الفضل على فى التدوين ولغة الحوار

وكيفية عمل لقاء مع الشخصيات الهامة

سوف نعرف منة الكثير جدا

فانتظرونا

حمدى حسين

للمره الثانية الحوار الحر الجرىء مع دليا ذيادة مدير مكتب شمال افرقيا لمنظمة المؤتمر الاسلامى الامريكى

دليا ذيادة فى احدى الندوات

للمرة المليون وهفضل اقول كدا لحاد اخر نفس عندى دليا ذيادة اكثر من اخت واللى يحاول يزعلها يكون بيزعلنى

==============================

بعد ان قرأت افكارها من خلال مدونتها وبعد الحملات التى اثارها البعض ضدها بسبب عملها بمنظمة الكونجرس الاسلامى الامريكى ، وبعد اطروحاتها حول التسامح الانسانى والحوار العقلانى بين الاديان قررت من خلال مدونتى ان اتحاور معها وانشر الحوار التالى :

حضرتك خريجة اية ؟

أنا خريجة قسم اللغة الإنجليزية، بكلية الآداب – جامعة عين شمس.. يعني حاجة ما لهاش دعوى إطلاقا باللي أنا بعمله حاليا، لكن على كل حال أنا بقدم السنة دي على منحة ماجستير في السياسة و العلاقات الدولية، وإن شاء الله قريبا جدا هاخد الماجستير

فى اى المجلات تعملين ؟

لقبي الرسمي هو مدير مكتب شمال أفريقيا لمنظمة المؤتمر الإسلامي الأمريكي، لكن بعيدا عن الرسميات، فأنا أمارس مهنتي الأساسية (الترجمة) من خلال مركز سوفت كوبي للترجمة الذي أتولى مسئولية إدارته، وكذلك أعمل كمنسق إقليمي لبعض أعمال مؤسسة ثروة، وأيضا وأهم من كل ذلك فأنا ناشطة حقوقية وشاعرة.

ماذا كان شعورك عندما علمتى انك ستكوني مديرة اكبر منظمة اسلامية فى الشرق الاوسط ؟

حاجة تفرح طبعا، بس على فكرة هي مش أكبر منظمة إسلامية، إحنا حديثي النشأة إلى حد ما، منظمتنا (منظمة الكونجرس الإسلامي الأمريكي) بدأت شغلها في العالم كله عام 2001، وبدأت عملها في مصر منذ سنة واحدة فقط، يعني مش كتير، لكن على الرغم من كده لنا تأثير هائل، لأننا جميعا في المنظمة شباب ونعمل بحماس من أجل خدمة قضايا حقوق الإنسان في العالم الإسلامي بالكامل. وكان أهم إنجاز حققناه مؤخرا على سبيل المثال هو نجاحنا في الضغط على الرئيس اليمني للعفو عن الصحفي اليمني عبد الكريم الخيواني والإفراج عنه... نرجع لسؤالك سريعا، هو أكيد طبعا حصولي على المنصب ده في سني ده شيء مش بس يفرح؟ ده يطير العقل، مش لأنه منصب فقط، ولكن لأنه سيمنحني فرصة أكبر لتفعيل دوري كناشطة حقوقية وسيعطيني قوة أكبر للدفاع عن القضايا التي وهبت حياتي لها

ماشعورك عندما سافرتى الى اميركا وعلى حسب علمى انها كانت دى اول مرة ؟

أجمل حاجة في سفرية أمريكا الأخيرة زي ما أنت قلت إنها كانت المرة الأولى لي على الإطلاق أسافر هناك، طول عمري كنت باحلم

بأمريكا ونفسي أعرف الناس هناك عايشة أزاي وبتعمل أيه؟ أنا بحب السينما جدا، وبتفرج على الأفلام الأمريكية كتير جدا، عشان كده كان عندي شغف كبير إني أشوف حياتهم على الطبيعة. كان شعور رائع لما تلاقي أحلامك بتتحقق قدامك قبل حتى ما تقرر إنك تحققها، وفوق ده كله، كانت سعادتي أكبر عندما وصلت هناك وكان أول ما أراه كروت دعوة و منشورات عليها صورتي بتدعو الناس لحضور الندوة التي ألقيتها في جامعة هارفرد حول حقوق المرأة في العالم الإسلامي، حسيت ساعتها إن عملي له مردود وإني مش بشتغل في الهوا.. الحمد لله بجد! وغير كده كمان أنا قابلت شخصيات سياسية كبيرة ونشطاء حقوقيين وتمت دعوتي لزيارة عدة جمعيات ومؤسسات حكومية وغير حكومية. بس أقولك على حاجة؟ زيارتي لأمريكا لم تؤثر بأي شكل من الأشكال على حبي لمصر، ولم تجعلني أرغب مطلقا في أن أتحول من مواطنة مصرية إلى مواطنة أمريكية كما يتمنى البعض؟ على العكس، زيارتي لأمريكا خلتني أعرف قيمة مصر، قيمة إنك تكبر وسط أب وأم بيخافوا عليك وعندهم استعداد يموتوا نفسهم علشان يسعدوك، قيمة إنك تحب ربنا وتكون فاكره بقلبك وعقلك طول الوقت، الأمريكان للأسف أغلبهم غير متدين، وكمان قيمة الحضارة اللي عندنا، تخيل لو عندهم مبنى عمره 100 سنة فقط بيعتبروه أثر ومزار سياحي؟ لكن أحنا عندنا حضارة عمرها آلاف السنين، يعني أيه الأحسن؟ أقول أنا داليا المصرية بنت حضارة آلاف السنين؟ ولا أقول أنا داليا بنت حضارة عشرة عشرين مائة سنة؟ صحيح إننا بنفتقد الديمقراطية والحرية اللي الأمريكان بيتمتعوا بيها في بلادهم بفضل التنوع الثقافي الكبير هناك، لكن والله العظيم ده مش صعب يتحقق في بلادنا، الديمقراطية والحريات مش أشياء مستحيلة، لكن ممكنة جدا، وسهل تحقيقها لو أردنا ذلك. ما هى الامنيات التى كنت تتمنيها ان تتحقق وحصل العكس ؟ الحمد لله ما فيش حاجة اتمنيتها وما حققتهاش، كل حاجة حلمت بيها حققتها وقبل التوقيت اللي أنا كنت محدداه كمان، الحمد لله عمري ما طلبت من ربنا – سبحانه وتعالي – حاجة إلا وحققها لي. لدرجة إني من حوالي شهر تقريبا بدأت أضع سلسلة جديدة من الأحلام للعمل على تحقيقها في السنوات القادمة إن شاء الله، ومنها مثلا الحصول على الدكتوراة في السياسة الخارجية والعلاقات الدولية، ونشر ديوان الشعر الأول لي، وكتابة سيناريو أول فيلم. هذا إلى جانب الاستمرار في الأنشطة التي أقوم بها حاليا.

ماذا حصل معكى فى حايتك ولم تتوقعيه ؟

موت أبويا – الله يرحمه – في سنة 2004، كنت عارفة إن فيه حاجة اسمها موت، بس ما كنتش أبدا أتخيل إنه ممكن يحصل لحد من عيلتي، ما كنتش متخيلة إنه مؤلم للدرجة دي.. موت والدي هو الحاجة الوحيدة اللي ما كنتش أتمنى إنها تحصل أبدا وما كنتش متوقعاها على الإطلاق إنه يموت في سن صغير كده... الله يرحمه.

عملت اية مع الناس لما قالوم داليا زيادة عميلة لامريكا ؟

الأول دمي أتحرق وأكتئبت وبعد كده بقيت أضحك، لأنها فعلا حاجة تضحك، عميلة لأمريكا بين يوم وليلة.. فجأة كده؟ يعني أمبارح كنت صاحبتكم والنهاردة الصبح بقيت عمليه لمجرد إن منظمة أمريكية غير حكومية اختارتني لأني أتولى منصب مهم؟ أعتقد إن أغلب الكلام كان نابع من حقد وغيرة، وبعضه كان له علاقة بمصالح أنا رفضت أحققها لناس معينة معلش سامحني مش هاقدر أقولها دلوقتي.. يعني في الآخر أنا لا يشوبني شيء، واللي عنده إثبات على إني عميلة يتفضل يقدمه، يعني مثلا صور ليا في السي أي أيه أو لو لقيتم في بيتي مثلا جهاز الشفرات بتاع رأفت الهجان ده... ههههههه يعني أي دليل وأنا مش هاتكلم، لكن اللي ما عندوش دليل يسكت أحسن، أو يتكلم أنا مش هاحجر على حرية حد، في النهاية على رأي ياسر عرفات – الله يرحمه – "يا جبل ما يهزك ريح!" وبعدين صدقني أنا بفرح لما الناس تتكلم عني، حتى لو بالشتيمة، حتى لو بالاتهامات الساذجة دي بتاعت عميلة أمريكا والألفاظ اللي المصريين بيستخدموها من أيام الحرب العالمية كل ما يحبوا يشوهوا سمعة حد، عارف ليه؟ لأن الكلام بيزيدني شهرة، وأنا بحب الشهرة، وبيخليني عندي إصرار أكبر على إني أتحدى كلامهم وأثبت إني أكبر وأهم منه.

وهل كان لة تاثير فى حياتك الشخصية والعملية ؟

أه طبعا كان له تأثير، كفاية خوف ماما عليا، وزعل أخواتي من الكلام اللي اتنشر عني في بعض الجرايد والمواقع اللي رجعت بعد كده مجدتني على أني مثال للشباب الناجح في مصر.... بجد بجد شر البلية ما يضحك! عموما، التأثير على حياتي الشخصية لم يتجاوز نطاق مشاعر الخوف والقلق من أهلي عليا والحمد لله ده قدرنا نتجاوزه دلوقتي

داليا زيادة حبت فى حياتها ولا مفيش عندها وقت للحب ؟

آه طبعا.. أنا دلوقتي عايشة قصة حب خرافية مع أربع أشخاص (أمي وأخواتي الثلاثة)... هههههههه، لا بقى كلام بجد؟ أنا أكيد طبعا حبيت، ما فيش حاجة اسمها ما فيش وقت للحب، بالعكس الحب أجمل شيء في الدنيا، ما حبيتش في حياتي غير مرة واحدة بس، أنا في النهاية بنت زي كل البنات، لكن أنا مشكلتي كانت إني أسأت الإختيار، غلطت، حبيت الشخص الغلط، أستغلني واستغل علاقاتي وكبر على حسابي، وأخد فلوسي كمان ورجعتها منه بطلوع الروح، بس عموما أتعلمت وأكيد مش هاوقع نفسي في الغلطة دي تاني، واختياراتي القادمة في موضوع الحب ده تحديدا هتكون محسوبة كويس جدا، بس أنا عاوزة أقولك على حاجة هي كلمة حكمة اتعلمتها من بنت عمرها 8 سنين، وهي إن الإنسان لو ما عرفش يحب نفسه مش هيعرف يحب حد، وأنا كنت دايما بدي لكل الناس الأولوية على نفسي، لكن أقدر أقولك بعد حوالي 8 أو 9 شهور أتفرغت فيها لحب نفسي أولا ثم أمي وأخوتي ثانيا، أصبحت حياتي أكثر سعادة. ما امنيتك فى الحياة؟ وما هى اكثر امنية تتمنيها لمصر وشعبها؟ أمنيتي القصوى في الحياة على المستوى الشخصي إني أفوز بجائزة نوبل للسلام عن عمل عظيم أكون قدرت بيه أحقق حاجة كبيرة أوي لمصر، وإني أخلف بنت – مش ولد! أما أمنيتي لمصر إنها تبقى مصر اللي كتب التاريخ كلها بتحكي عنها، أكبر بلد في الكون زي ما كنت دايما بتخيلها وأنا صغيرة، مش مجرد بقايا لمجد كان وخلص بسبب إننا مش قادرين نحافظ عليه! أما أمنيتي لشعب مصر هي إنهم يفوقوا بقى، يبصوا لقدام ويبطلوا يبصوا تحت رجليهم، يبقى عندهم طموح في بكره أجمل ويعملوا كل اللي يقدروا عليه عشان يحققوا بكره السعيد ده. يبطلوا الهتاف والصراخ من دون فعل حقيقي، و زي ما قلت قبل كده ده مش صعب على الإطلاق. كل اللي مطلوب إننا نؤمن بقضيتنا ويبقى الكفاح من أجل الإصلاح عندنا مسألة حياة أو موت.

======================================

كلمة منك لمدونة الحرية اليوم وغدا ؟

أحب عملكم جدا وأتابعه باستمرار وأتمنى أن تستمروا على هذا النهج دائما. شكرا استاذه داليا ،،،،،،، العفو يا أستاذ عبد الجليل وأنا كنت سعيدة جدا بالحوار ده وأتمنى أكون قدرت أجاوب على كل ما يشغلكم.

مع افتتاح مركز افاق اشتراكيه

بس العجب العجب ان انا كنت رايح مركز افاق اشتراكيه فى مقره الجديد
وصلت هناك على الساعه 5 ونصف تقريبا
وبعانا امبارح كنت فى المحله بصراحه وبدون احراج انا اول مره اذور المحله من فتره كبيره جدا لقيت فى تجديد فى المدخل الرئيسى حسيت ان فى تجديد وكمان فى حاجه اهل المحل هما هما مفيش تغير ديت سلمت على عمى حمدى حسين والاستاذ اسامة الشافعى كان موجودوكدا يكون احنا اول ناس فى المقر
فى حاج حصلت انا مكنتش متوقعها خالص والله
فى وقت الحضور واستقبال الضيوف
حضر الاستاذ ابراهيمى محمد مكاوى
ودى انسان وصديق انا بعتز بيه لما الحفل بدء اخت منه الموبيل وقلت اصور بيه
لقيت الساده الاعضاء كلهم وقفين ضدى متصورش يا عبد الجليل طب لي انا خصيصا
دا سؤال محيرنى ولس انا معرفش الاجابه

انفلونزا الخنازير الى اين

مخاوف من إصابة ثلث سكان العالم بالمرض العام المقبل
"إنفلونزا الخنازير" يصيب 2000 في 24 دولة ويحصد 44 وفاة
أعلنت منظمة الصحة العالمية بعد ظهر الخميس 7-5-2009 حصيلة جديدة أشارت الى اصابة اكثر من 2000 شخص بإنفلونزا الخنازير في 24 بلداً، وأحصت وفاة 44 شخصاً في المكسيك والولايات المتحدة.وصرح القائم بأعمال مساعد المدير العام لمنظمة الصحة العالمية فى حديث خاص عبر الهاتف لمدونة الحرية اليوم وغدا؟

كيجي فوكودا إن ثلث سكان العالم قد يصابون بفيروس إنفلونزا "اتش1 ان1" العام القادم، وحثّ حكومات الدول الاسيوية على البقاء في حالة يقظة تحسباً لحدوث وباء عالمي محتمل.

إلى ذلك رفعت الصين الحجر الصحي الذي استمر 7 أيام على مسافرين وصلوا الى شنغهاي على نفس الرحلة الجوية مع رجل مكسيكي تبين في وقت لاحق انه مصاب بالفيروس، ونفت مجدداً التمييز ضد الاجانب.وقالت وزارة الصحة ان المسافرين الذين استقلوا الرحلة الجوية في أول مايو ايار من مكسيكو سيتي التي توقفت في شنغهاي في طريقها الى هونغ كونغ سيسمح لهم جميعا بالمغادرة اذا لم تظهر عليهم أعراض تشبه الانفلونزا.وقال وزير الخارجية الصيني ما تشاوشو في مؤتمر صحافي في بكين "الحجر الصحي ليس اجراء تمييزياً ضد المواطنين الاجانب في الحقيقة غالبية الناس في الحجر الصحي من الصينيين".ومن جهتها رفعت المكسيك عدد الوفيات المؤكدة نتيجة للإصابة بإنفلونزا الخنازير لكنها قالت ان الاسوأ انتهى وخففت القيود على النشاط التجاري والانشطة العامة.ومن المقرر ان يحضر وزراء الصحة من اليابان والصين وكوريا الجنوبية، بالإضافة الى الدول العشر الاعضاء في رابطة دول جنوب شرق اسيا "آسيان" اجتماعاً في بانكوك غداً الجمعة لبحث سبل تنسيق جهودهم لمكافحة المرض.

عام سعيد مع افتتاح افاق اشتراكية

اولا انا اسف على قفل المدونة الايام الماضية

بس انا رجعت بخبر جديد

مركز افاق اشتراكية بلمحلة الكبرى

قفل المركز القيدم وفتح مركز جديد لانج

الكل يقول الف مبروك

على الافتتاح يوم 10 /5/2009

والدعوة عامة لكل عامل وعاملة

فى شتا انحاء مصر

مع خالص تحياتى ليكم

عبد الجليل ابوحسين

ملحوظة : اللى عاوز تفاصيل اكثر يتصل بعم حمدى حسين على التليفون التالى

0103815616